Yangi loyihalar – mustahkam hamkorlikka zamin
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Navoiyda IX Xalqaro sanoat yarmarkasi va Kooperatsiya birjasining hududiy bosqichi bo‘lib o‘tdi.
O‘zbekiston Respublikasi Vazirlar Mahkamasining 2015-yil 13-martdagi “2015-yilda Xalqaro sanoat yarmarkasi va Kooperatsiya birjasini tashkil etish va o‘tkazish chora-tadbirlari to‘g‘risida”gi qarori ijrosi doirasida tashkil etilgan tadbirda ushbu an’anaviy yarmarka mahalliy xomashyo asosida raqobatbardosh, eksportbop va import o‘rnini bosuvchi mahsulotlar, butlovchi va ehtiyot qismlar ishlab chiqarayotgan yirik sanoat korxonalarining kichik biznes va xususiy tadbirkorlik subyektlari bilan hamkorligini mustahkamlashda muhim omil bo‘layotgani ta’kidlandi.
Yarmarkada 200 dan ortiq yirik ishlab chiqaruvchi, kichik biznes subyekti, xizmat ko‘rsatuvchi korxona va tashkilotlar yangi ishlanma hamda mahsulotlari bilan ishtirok etdi.
Chetdan import qilinayotgan mahsulot va butlovchi qismlarning mahalliy korxonalar tomonidan ishlab chiqarilishini yo‘lga qo‘yish, eksportbop tovarlarni ko‘paytirish iqtisodiyotning barqaror rivojlanishini ta’minlaydigan asosiy omillardan biridir. Yarmarkada viloyatda mahalliylashtirish dasturi asosida o‘zlashtirilayotgan maishiy texnika va buyumlar, zamonaviy tibbiyot preparatlari namoyish etildi.
– Ushbu an’anaviy yarmarka biz kabi yangi ishlab chiqaruvchilar o‘rtasida o‘zaro kooperatsion aloqalarni mustahkamlashda muhim omil bo‘lmoqda, – deydi Navoiy shahridagi “Bagil medical new technology” O‘zbekiston-Koreya qo‘shma korxonasi menejeri Umida Ro‘zmatova. – Korxonamiz yiliga 48 million dona bir martalik tibbiyot shprisi ishlab chiqaradi. Ayni paytda ichki va tashqi bozordan munosib o‘rin egallash borasida izlanishlar olib bormoqdamiz. Yarmarkada 100 million so‘mlik shartnoma imzoladik.
Yarmarkada qulay bank xizmati turlari, qishloq xo‘jaligidagi yangiliklar hamda mahalliylashtirish dasturi asosida raqobatbardosh mahsulotlar ishlab chiqarish bo‘yicha loyiha va ishlanmalar namoyish etildi. Ishlab chiqaruvchilar o‘rtasida yangi texnika va texnologiyalarni xarid qilish yuzasidan shartnomalar imzolandi.
