Oilaviy tadbirkorlik – farovonlik omili
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Prezidentimiz rahnamoligida amalga oshirilayotgan keng ko‘lamli islohotlar jarayonida tadbirkorlik, ayniqsa, oilaviy biznesni rivojlantirishga alohida e’tibor qaratilmoqda. Ushbu tarmoqlar yangi ish o‘rinlari yaratish, oilalarning barqaror daromad manbalarini shakllantirish va farovonligini oshirishda muhim omil bo‘layotir.
O‘zbekiston Respublikasining “Oilaviy tadbirkorlik to‘g‘risida”gi qonuni bu borada muhim ahamiyat kasb etib, aholi, ayniqsa, xotin-qizlar va yoshlarni doimiy ish bilan ta’minlashga xizmat qilmoqda.
Mazkur hujjat ijrosi doirasida shu yilning o‘tgan davrida Farg‘ona viloyatida yuzdan ziyod oilaviy korxona tashkil etildi.
Uchko‘prik tumani “Zig‘ir” mahalla fuqarolar yig‘inida faoliyat yuritayotgan “Shukrona sanoat tekstl” oilaviy korxonasida tayyorlanayotgan yengil sanoat mahsulotlari zamonaviyligi va yuqori sifati bilan ichki bozorda o‘z o‘rnini topmoqda.
Tadbirkor Layloxon Mirahmedova rahbarlik qilayotgan korxona dastlab ikki tikuv mashinasi bilan ish boshlagan bo‘lsa, bugun import o‘rnini bosuvchi, raqobatbardosh mahsulot ishlab chiqarayotgan yirik tikuvchilik tarmog‘iga aylandi. Korxona salohiyatini oshirishda mahalla faollarining maslahati va ko‘magi, tijorat bankining 60 million so‘mlik imtiyozli kredit mablag‘i muhim omil bo‘layotir. Ayni paytda 20 nafar yosh mehnat qilayotgan korxonada mahalliy xomashyodan kattalar, ayollar va bolalar uchun o‘n turdan ziyod kiyim-kechaklar tikilmoqda.
– Yuz foiz paxta va ipak matodan tayyorlanayotgan mahsulotlarimiz sifati xorijnikidan aslo qolishmaydi, – deydi L.Mirahmedova. – Shu bois biz bilan hamkorlik qilish istagida bo‘lgan savdo markazlari, kiyim-kechak do‘konlaridan ko‘plab buyurtmalar qabul qilinmoqda. Kelgusida mahsulotlarimizni xorijga eksport qilishni ham rejalashtirganmiz.
Mamlakatimizda yaratilayotgan keng sharoit va imkoniyatlardan samarali foydalanayotgan L.Mirahmedova oilaviy biznes daromadi hisobidan uy-joyini kengaytirdi, yengil mashina oldi, farzandlarini o‘qitib, uyli-joyli qildi. Birgina bu emas, shuningdek, hududga sanoatni olib kirish asnosida vaqtincha ishsiz yurganlar, ayniqsa, yoshlar bandligini ta’minlashga munosib hissa qo‘shmoqda.
Bir so‘z bilan aytganda, bu kabi oilaviy korxonalarning tashkil etilishi aholi bandligini ta’minlash, oilalar daromadini oshirish kabi ezgu maqsadlarga xizmat qilmoqda.
