O‘ZSANOATQURILISHBANK KICHIK BIZNES VA REAL SEKTOR KORXONALARINING ISHONCHLI MOLIYAVIY HAMKORI

Bank kapitalining o‘sishi iqtisodiy islohotlarning amalga oshirilishida, kichik biznes va iqtisodiyotning real sektorini moliyaviy qo‘llab quvvatlashga doir hukumat qarorlari ijrosini ta’minlashda O‘zsanoatqurilishbankning faol ishtirok etishiga zamin yaratmoqda.

O‘zsanoatqurilishbank kredit qo‘yilmalari sezilarli darajada o‘sdi va ular zamonaviylashtirish, korxonalarni tehnik va texnologik qayta jihozlash va moliyaviy sog‘lomlashtirishga yo‘naltirildi. 2015 yil 1-iyul holatiga bank kredit qo‘yilmalari 6 517 mlrd.so‘mni tashkil qildi, o‘tgan yilning shu davriga nisbatan 1 053 mlrd.so‘m yoki 19%ga o‘sdi. Deyarli barcha kredit qo‘yilmalari iqtisodiyotning real sektoriga yo‘naltirildi.

Joriy yilning I-yarim yilligida kichik biznes vakillarining yangi ish o‘rinlari yaratiladigan loyihalarini moliyalashtirishga o‘tgan yilning shu davriga nisbatan 1,3 barobarga ko‘p, ya’ni 435 mlrd.so‘m kredit ajratildi.

Jumladan, tadbirkorlarga berilgan mikrokreditlar hajmi 44 mlrd.so‘mni tashkil qildi.

Shuningdek, kichik biznesni moliyaviy qo‘llab quvvatlash maqsadida:

— ayollar tadbirkorligini rivojlantirishga 33 mlrd.so‘mlik;

— xizmat ko‘rsatish va servis sohasini kengaytirishga 40 mlrd.so‘mlik;

— kasb-hunar kollejlari bitiruvchilariga tadbirkorlik faoliyatini yo‘lga qo‘yish uchun 8,5 mlrd.so‘mlik kreditlar ajratildi.

Shu bilan birgalikda, aholining oziq-ovqat va nooziq-ovqat iste’mol tovarlariga bo‘lgan ehtiyojlarini qondirish oziq-ovqat mahsulotlari ishlab chiqarishni rivojlantirishga 75 mlrd.so‘mlik, nooziq-ovqat tovarlari ishlab chiqarishni kengaytirish uchun 104 mlrd.so‘mlik kreditlar berildi.

“Jahon” AA