NNTLARDA HOMIYLIK FAOLIYATINI RIVOJLANTIRISH BO‘YICHA TAJRIBA ALMASHILDI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Poytaxtimizda "Fandrayzing va homiylik faoliyati rivojlanishining tashkiliy-huquqiy asoslari: xalqaro tajriba va O‘zbekiston amaliyoti" mavzuida davra suhbati bo‘lib o‘tdi.
Unda deputatlar, vazirliklar va xorijiy tashkilotlar vakillari, nodavlat notijorat tashkilotlari rahbarlari va faollari ishtirok etdi.
Tadbir O‘zbekiston nodavlat notijorat tashkilotlari milliy assotsiatsiyasi, O‘zbekiston Respublikasi Oliy Majlisi huzuridagi Nodavlat notijorat tashkilotlari va fuqarolik jamiyatining boshqa institutlarini qo‘llab-quvvatlash jamoat fondi, Fuqarolik jamiyati shakllanishini monitoring qilish mustaqil instituti, Adliya vazirligi, "Kamolot" yoshlar ijtimoiy harakati, O‘zbekiston Xotin-qizlar qo‘mitasi va O‘zbekiston Ekologik harakati hamkorligida tashkil etildi.
O‘zbekiston nodavlat notijorat tashkilotlari milliy assotsiatsiyasi kengashi raisi A.Karimov va boshqalar NNTlarni rivojlantirish, davlat va jamiyatni boshqarish, mamlakatimizni demokratik yangilashda ularning o‘rni hamda ahamiyatini izchillik bilan yuksaltirish borasida amalga oshirilayotgan islohotlar samarasi haqida so‘z yuritdi. Bunda O‘zbekiston Respublikasining Birinchi Prezidenti Islom Karimov tomonidan ilgari surilgan “Kuchli davlatdan – kuchli fuqarolik jamiyati sari” tamoyili muhim omil bo‘lmoqda.
Bugungi kunda nodavlat notijorat tashkilotlari tomonidan tizimli ishlar amalga oshirilmoqda. NNTlar o‘z vazifalarini samarali tashkil etishi uchun qo‘shimcha moliyaviy mablag‘larni jalb qilish, keng jamoatchilik orasida fandrayzing, ya’ni ijtimoiy loyihalarni amalga oshirish uchun pul yig‘ish va homiylik faoliyatini yanada rivojlantirish masalasi muhim ahamiyatga ega.
NNTlarning ijtimoiy ahamiyatga molik loyihalari O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi tomonidan qo‘llab-quvvatlanmoqda. Mazkur fond tomonidan har yili davlat granti va ijtimoiy buyurtma bo‘yicha tanlovlar o‘tkazilmoqda. Bugungi kunda NNT va OAVlarning 159 ta ijtimoiy ahamiyatga molik loyihalariga fond tomonidan 3 milliard 880 million so‘m miqdorida mablag‘ ajratilgan.
Tadbirda homiylik faoliyatini samarali tashkil etishda milliy qonunchilik bazasi yaratilgani ta’kidlandi. O‘zbekiston Respublikasining 2007-yili qabul qilingan "Homiylik to‘g‘risida”gi qonunining mazmun-mohiyati haqida to‘xtalib o‘tildi.
– Nodavlat notijorat tashkilotlarining samarali faoliyat yuritishi mamlakat taraqqiyotida muhim o‘rin tutadi, – deydi Germaniyaning Fridrix Ebert nomidagi jamg‘armasining Markaziy Osiyodagi mintaqaviy direktori Xenriyetta Kifer. – O‘zbekistonda NNTlar ijtimoiy yo‘naltirilgan turli loyihalarni amalga oshirishi uchun qulay muhit yaratilganiga guvoh bo‘ldik. Mamlakatingizda NNTlar o‘z tashabbuslarini amalga oshirishi, xususan, qonunchilik hujjatlarini ishlab chiqish va muhokama etish jarayonida faol ishtirok etishi uchun qulay sharoit yaratilgani alohida e’tiborga molik.
Tadbirda xorijiy mamlakatlarning homiylik faoliyati bo‘yicha tajribasi, shuningdek, NNT va fuqarolik jamiyatining boshqa institutlari tomonidan qo‘shimcha moliyaviy mablag‘larni jalb qilishda qo‘llanilayotgan samarali usullar tahlil etildi.
O’zA
