Institutning jamoatchilik oldidagi hisoboti bo’lib o’tadi

2015-yil 24-aprel kuni Toshkent shahrida Fuqarolik jamiyati shakllanishini monitoring qilish mustaqil institutining “O’zbekistonda fuqarolik jamiyati rivojlanishining sifat va miqdor o’zgarishlari” mavzuidagi yillik konferensiyasi bo’lib o’tadi, deya xabar beradi institut matbuot xizmati.

Konferensiyaning maqsadi keng jamoatchilik va xorijiy ekspert-tahlilchilarni Institutning 2014-yildagi faoliyati haqida xabardor qilish, shuningdek O’zbekistonda fuqarolik jamiyati rivojlanishining holati va istiqbollarini har tomonlama muhokama etishdan iboratdir.

Tadbirda O’zbekiston Respublikasi Oliy Majlisi Senati a’zolari va Qonunchilik palatasi deputatlari, davlat va jamoat tashkilotlari, yetakchi ilmiy-tadqiqot va ta’lim muassasalari, O’zbekistonda akkreditatsiyadan o’tgan xorijiy va xalqaro tashkilotlari vakillari, Institutning ta’sischilari kengashi a’zolari, milliy va xorijiy axborot vositalari vakillarining ishtirok etdilar.

Konferensiya kun tartibidan Institut oldida turgan vazifalarni yanada samarali bajarishga oid taklif-mulohazalar, fuqarolik jamiyati institutlarini rivojlantirishdagi mavjud muammolar atroflicha muhokama qilish kabi masalalar o’rin olgan.

“Jahon” AA